| 韵思's profile天空之城~无奈PhotosBlogLists |  Tools  Help |
|
11/27/2006 对不起...或许现在说对不起真的有点迟了！
但是最近不知道怎么的～
可能有时间开始想些有的没有的吧
总想起以前骗你的事！
说真的...说起这件事我真的有点痛！
后悔自己骗你～
昨天终于忍不住发短信给你了
我记得我还没出国之前我就跟你道过谦了
但是却总是觉得对不起你
虽然我真的不知道你怎么看我
当时是真的因为喜欢你才骗你的吧
或者我也是那种电视剧里那种坏女生...
为求目的而不择手段吧
现在我有了男朋友了...
始终还是忘不了那两年的时间
不是因为仍然喜欢而忘不了
而是因为那是一段美丽而又错误的回忆吧！
高中的回忆对于我来说真的很值得珍惜的吧～
因为我放弃了高三一年
前两年应该是快乐的！
那更应该留藏在心底吧! 11/24/2006 真系好忙好忙...经过8个钟头既折磨～终于系香港时间晚上8点21分我到佐香港国际机场！系我不懈既努力之下～始终我都赶唔到9点既bus翻广州！甘就唯有等到10点果班啦！我系9点20分去到中旅个柜台买票既～重有甘多时间就梗系去食D野啦!所以理所当然我就去佐许留山食佐个芒果捞野啦！真系好好食...当我一边食住甘好食既野既同时我就系度同猪头发短信啦！真系爽啊...
食下食下发下发下短信就真系不知时日过啦！成9点十至食完～琴琴青就过去搭车果度！点知唉...以为会好少人！不过好多人...点解？我都唔知道啊！系我记忆入边有上年系唔多人既！点知琴日就暴满！好似系有两个旅行团啊～我迟佐去就差唔多无位啦！搞到要同一个好似中东人既人坐！原本心林真系黑仔啊...点知之后同距有讲有笑～我地用英文讲嘎！虽然距识讲普通话～
翻到广州都已经点半啦～重去佐食宵夜搞到成3点几！超级头痛...今日重约佐斯羽去食饭！事实上今日我11点几至醒～因为岩翻到黎好多野都未执所以都搞佐几耐下至出到门口！迟晒大到...见到好耐无见过既距地真系几开心嘎！不过真系有D陌生感～特别系距地讲有关宜家同学既事我就特别不知所措～ 11/17/2006 好忙好忙...尼两日真系超级忙！点解？！因为临时改机票所以突然间又好多好多野要买！
妈咪要我买超级多野！买果D维他命C啊...lecithin啊...propolis啊放咗我成半个箱！简直就好似批发咁！简直都痴线既...哎不知买得我几辛苦！人地见到我买咁多以为我傻嘎！
今次我买比F就好少罗！因为根本无位摆!我重林林住如果可以既话就摞D唔系成日着果D衫翻去！咁冬天都可以着下啊嘛！点知根本无位～真系无计啦！点算?点算？想话叫距帮手啦～距又推三推四！唔知道jay肯唔肯呢？我都唔想麻烦alice啦！
我觉得同距关系好似越黎越差咁！今日翻到屋企理都唔理下我～好似当我唔存在咁！我根本都唔知道应该点做～距话两个人系埋一齐太耐就会咁！距宜傢既表现就好似恨不得我即刻走咁～不过我觉得尼D都系距自己纯粹既林法罗！因为我根本唔想同距分开～哎...两个人一起真系超级多问题！烦啊...
要训啦！大家晚安... 11/15/2006 错过...回忆...睇到好多F个blog近排都系写翻去校运既事！讲起校运大家都好有感触～我真系无咩感觉...
因为我系去到新校区之后好似真系无参加过校运！点解？因为当我睇地岩岩搬到新校区既时候设施都重未完善～而校运都是在11月份举行！所以学校并无搞一个跟往常一样既校运只系一个小型既比赛！果个系高二去到新校既第一年～
然而...高三！我走既时候系9月份～好明显系无办法参加果次既校运！然而今年既校运就更加唔关我事了～但系毕业生通常都会翻去体下！而我当然重系尼个要搭8个钟头飞机至到既遥远既大陆！
大家都回忆曾机参与既校运会～再林到高中既生活！我林大家应该都差唔多唔记得曾经有我尼个人既存在了吧！因为我实在好耐无出现系距地面前啦!连毕业照都无我既身影～我林大家一定已经唔记得我了！更何况以后呢？！应该会更加唔记得吧！我从来都系个默默无闻既小女子～唔系美女唔系D大人物！所以我既结论就系大家都应该唔记得我了！
其实唔好话大家唔记得我～如果唔系大家近排都提起学校我都已经好少回忆以前既事了！见到钟忱讲起宿舍——我可爱既宿舍7504！虽然最后一年有人代替咗我既位置！但系我相信大家应该都唔会忘记我吧！至少我宿舍既舍友们...钟忱话唔知道棵茉莉点？我唔知道她讲既系咪果棵我曾经亲手买翻宿舍既果棵！如果系...我真系差D已经唔记得了！不过我又林翻起了～～讲起茉莉！我林翻起我地既鱼鱼～我记得我地中午都系一边刷牙一边帮盆茉莉淋花！我真系林翻好多好多野...多到根本都黎唔切打出黎！关灯以后系阳台温书背书...系阳台一起睇靓仔...系阳台倾计...系宿舍稳歌词之后唱K咁唱到两三点...四个人避一间冲凉房...晚黑等关灯以后拖地...花花讲古仔...花花王子磨牙...蚊子钟忱成日晚黑打电话...系阳台撩低我地一级既弟弟...睇男仔织围巾食即食面...同王子坐系洗衣台倾计倾到三点比好多蚊咬...为感情掉既眼泪......
好多好多...原来我根本无忘记！我只不过将尼d记忆收藏起黎～我并无忘记！！我也无法忘记系省实5年既点点滴滴...
有时候真系几后悔无读完高三而选择离开！高三真的好重要...高考...毕业典礼...影毕业照...高三既勤劳...好多好多！我都无法参与～有得必有失！但我确实后悔失去咗尼D人生应该有既野～尼D刻骨铭心既野! 其实我有读过高三～系提前开学果一个月同开咗学之后既少少时间！我记得邱老师曾经赞过我话系我知道要即将出国既情况下都翻学并且好努力咁学习！比高二多出好多陪既努力～大家知道点解我要去翻学吗？大家知道我果时点解要咁勤力吗？ ——系因为我好想好想感受下高三既生活！我好想同大家一起努力...我想多D时间同朋友同学一起...我想知道究竟高三系点样一回事！以前曾经为早起身～功课多～考试多而痛苦烦恼！但系以我宜傢既状况去睇翻以前～果D痛苦早就唔知走咗去边！林到既都系开心既事...实行咗自动过滤！！宜傢林翻...当初翻学系个绝对正确既确定！ 重有当然就系旧年年底翻去上咗两个星期课同考试既事！旧年我翻中国只不过系1个月既时间～我用咗两个星期系学校度过！静系为咗毕业考同张毕业证吗？唔系...我要见我亲爱既同学们！因为我有咁既机会...所以我要好好把握尼个机会去再次感受学校～宿舍～高三既生活！ 可以出国~我林应该有即多人会羡慕吧！但系出国并非就好似大家讲既咁好～大家都只不过系被蒙骗咗！有既时候我真系希望可以用出国既机会交换翻我高三一年！唔系个个都可以真真正正体会尼种无奈！想家...想朋友...想同学...想广州既繁华...想广州既生活节奏...想曾经一起走过既路！太多既回忆只会令人伤感！ 返屋企！！星期六就系我返广州既日子啦！真系开心啊...应该系岩好10个月啊！
讲真我真系有少少紧张！唔知道系尼10个月广州变到成点～唔知我返到去会唔会都唔认得啦！
听妈妈讲广州空气越黎越差～我有同学之前返广州就唔舒服！我返到去都唔知会唔会水土不服！始终已经习惯咗尼度10个月了～突然变翻可能真系会唔惯!
我重有3日时间去行街买野！其实都无三日～应该话三个下昼！尼度日日鬼死咁早关门我又训到中午～咁就真系得下昼了！
我既计划：
1.聽日去city买妈妈交代买既保健品同绵羊产品！重有去免税店睇下~重有就系睇下有咩野可以买翻去比aiko啊王子啊距地！（因为到时我要去睇她地啊！两手空空始终都唔系几好既）系买晒咁多野既情况下如果我重摞到既话就再去super market睇下有咩好食既买翻去！
2.后日首先朝早早D起身（希望可以）翻去舅父度坐下！其实真系远我真系唔多想去～但系妈妈死都要我去！哎....之后就睇下聽日有咩未买齐既就去买～可能会去逛下freo!真系郁闷～或者再去多次city!!
3.最尾一日啦...老公话同我去garden city！行下街加去打波～之后晚黑同alice&jay去食饭!应该可能就当系同我送行挂～之后其实我想去harbour town嘎！唔知道距地会唔会陪我去呢？唔得我就叫alice陪我去罗！
基本尼三日既行程就系咁啦！至于有咩变动就当然随时变嘎啦～
尼三日去买野基本都全程一人！因为距地要翻学又就黎考试啦！所以真系唔可以成日陪我～加上他根本就唔中意出街！其实系中午下午十分我都唔中意出街嘎～因为实在系晒＋热！！澳洲既天气大家都知道～个天就好似穿咗个洞咁！真系会晒死人～我睇屋企又凉爽！日日见到距地系出边翻黎成身打汗咁！我系屋企就少少汗都无～之后三日我都要遭受D咁既折磨了！天气越黎越热真系想快D翻去过冬天！着多D大家都唔会觉得我肥咗好多！哈哈...简直好主意啊!!!!!
做好准备翻屋企罗！距地都话我一D都唔兴奋！其实我好兴奋嘎...只不过距地未有咁快翻我就几时翻都得所以咪无咁兴奋罗！其实都ok兴奋既...哈哈哈哈 11/10/2006 头发记...大家都训晒啦应该...得我自己一个重系度敲键盘！！
今晚洗完头发突然发现自己既头发原来好软～虽然我以前成日玩头发但系都唔觉得软！可能系因为岩岩洗挂！！不过真系好好玩...xixi
房度黑蒙蒙...不过有住电脑发出既光！其实已经好光啦！玩下玩下自己突然觉得好软既头发，忽然发觉自己头发既颜色系电脑既光之下睇系褐色既！哈哈...都唔洗去染罗！不过又觉得好似系发黄～哎...我可怜既头发真系历经沧桑啊！宜傢应该又好多既开叉～越玩头发越兴奋...都唔知自己究竟系咪手痕！不过玩系好开心...不过系有代价嘎！咪就系掉头发罗～我都唔知自己究竟系咪新陈代谢咁旺盛！成日掉咁多头发...迟早变光头罗！！
点解我深夜咁无聊系度写埋D咁既野？因为我要等我软软既头发干至可以训觉！其实我已经处于半训状态～眼皮都已经dup晒！但系点解我重可以写到咁多野既？！我自己都好佩服自己～
真系好挂住我既亲亲枕头～头发头发快D干啦！干咗我就可以揽住我既亲亲枕头训大觉啦～
唔得啦... 我真系就黎训着啦！我唔理啦...干唔干都照训啦！ 11/9/2006 琴日系猪头生日～又系一个无聊既上午！今日他地起身翻学我都跟住起咗～起咗身就唔懒得再训了！就又系度睇小说～
日子过得真系郁闷...
琴日系猪头老公既生日...当然点都要庆祝下既！所以琴日下午系我惊醒之后（因为睇下睇下小说训着咗），即刻去咗fremantle. 首先去咗薯条店--因为老板叫我过去!心林...应该掂挂！都叫得我过去啦～唔系连电话都唔使打啦！不过无林到她问我翻唔翻去之后就话你翻黎之后再黎稳我啦！呜呜...所以结论系唔要我！因为她话train就要train我成两个星期～之后做得一个星期野就走所以都系唔得！救命啊...点可以咁对我呢？搞到我越发觉得前途渺茫啊！！
讲翻琴日老公生日...所以系去晚薯条店之后去咗jenny打工间pizza店买海鲜（点解买海鲜?因为老公公中意食罗！就系咁简单）讲真尼度整海鲜来来去去就果几种整法！最最最最最常见既就系炸...不过最不幸既系我琴日居然买咗尼种做法既海鲜！讲真jenny打包比我果时真系觉得几香～不过翻到黎之后冻咗再食就觉得超级难食！简直系...我都唔知道应该点形容！ 买完海鲜我就差唔多行晒成个fremantle都稳唔的一间埋生日蛋糕既店！（虽然卖蛋糕既店好多而且都好多蛋糕卖）因为距地斋卖切开一够够既蛋糕唔埋成个既！我都就黎比他激死...行咗成两三个圈突然林到coles入边有卖the cheese cake shop 既蛋糕～我就即刻冲过去！因为眼见重有10分钟左右关门~就系我即将要冲入coles既时候我见到对面有间面包店！不过已经关咗门~点解我之前就林唔到呢？我唯有死死地地入咗去coles稳蛋糕！终于比我稳到啦！望落去既样都OK啦～睇下价钱先14蚊我就已经有不祥既预感！（点解？因为其实尼间铺头既蛋糕通常超级贵...一件就要5，6，7，8蚊果种）所以成个咁大个蛋糕先13，14蚊就可想而知！确实...晚黑切蛋糕既时候我都感受到大家失望既眼神！对唔住...都系我既错！如果我唔系训着咗就唔会发生D咁既事啦！
琴日真系好失败～好似做咩都做唔成功咁！翻到屋企煮饭啦...发现无晒豉油！咁点煮啊？？？排骨ALICE又搞咗D新煮法结果唔好食～哎... 琴晚真系可以讲话无样好食！所以我真系想再买一个好食既蛋糕可以再吹一次蜡烛罗！不过我都就黎生日啦...翻到广州就唔怕无好野食啦！哈哈哈哈哈哈...（经已傻咗...）
今日下昼睇下有无心情去稳工啦... 唔系我就死硬啦！郁闷死既... 11/7/2006 无聊＋郁闷``好耐无写野啦～虽然成日上黎睇下有无人留言比我但系都系成日唔多想写！因为我真系好懒！！
考完试有4。5日啦！之前星期六日有人系屋企都唔觉得好闷～尼两日距地都翻晒学搞到我真系超级郁闷啊！所以真系点都要去打工~虽然有D惊！因为自己D英文唔够劲啊嘛！所以咪惊罗...讲真我发现自己真系好细胆～做咩事都惊惊青青咁！我林我都唔系咩做大事既人黎嘎啦！睇黎以后真系要靠老公养至得啦！哈哈...
我琴日去咗fremantle既果间薯条店问咗～去摞咗张form琴晚填好今日重要去见距！唔知道成唔成功呢？因为我年底要翻中国所以我都唔确定她回唔会要我罗!我都唔知道啊！好郁闷～我真系就黎变成郁闷大王啦！一日到晚都郁闷～迟早变自闭啊！
我同我去广州玩既四人旅行团可能要改期啊！因为距地话想早D翻去多D时间玩哦！所以就想改早D～对我黎讲就梗系越早越好啦！系咪先？！真系好像快D 翻屋企啊！不过又惊到时翻到去就比人闹咁就唔系咁好意思啦系咪？！哎...点解我唔可以好似其他人咁爸爸妈妈无寄咁大希望比我！其实好多时候真系好大压力嘎！虽然距地会同我讲咩唔好比咁大压力自己！但系其实好多时候距地一句好细微既话都已经系压力既源泉！就好似打电话就讲话要咩抓紧时间啊～我一话系出边就问我有无温书啊！又寄好多好多书黎啊（虽然基本都系我叫距地买黎寄比我既）但系就成日问有无睇果D书啊！明显就系度话你唔睇你就超级对唔住我咁！讲真边有咁多时间睇咁多书啊！自己原本果本text book都睇唔完啊！我唔系果种死读书既人但系我亦都唔系果种好识读书既人所以我始终成绩都系中间！努力D既时候就高D无乜心机既时候就咂D咁罗！林考试就黎同我讲唔好比自己咁大压力～其实一早就比咗超多啦！根本都收唔翻～D压力根本就唔系我自己比自己既！全部都系你的比我嘎咂嘛～
由细到大我都抱住人只要活得开心就无咩遗憾！所以我基本上都放纵自己~系学习上想学就学唔想学真系自己都避唔到自己！就好似accounting同maths咁我自己想学我我就会摆时间落去学兼都唔会点缺课！但系好似economics 咁我就真系唔想学兼且都学唔黎！当我有在开始阶段努力地尝试去学但发现失败既话我真系学唔落去！讲真到最尾我真系唔多有压力～因为我始终在我乐观既世界生存！所以对好多事我完完全全都系抱住乐观既态度去睇！但系返翻转黎睇～真系无压力系假既！只不过我乐观既性格将我既压力都埋藏咗！乐观既态度就覆盖咗尼种压力！我林我应该咁样去解释我自己！
哈哈...睇下睇下根本都唔知自己系度写乜！算啦...写都写咗罗咪比大家睇下罗！不过睇唔明唔紧要～因为我自己都睇唔明！ |
|
|
